Skólaslit Háaleitisskóla í Hljómahöll

Skólaslit Háaleitisskóla fóru fram í Hljómahöll 10. júní síðastliðinn að viðstöddum nemendum, starfsfólki og fjölskyldum. Við athöfnina var skólaárinu slitið með hátíðlegum hætti og horft var yfir viðburðaríkan vetur, fjölbreytt nám og gott starf innan skólans.

Sérstakur hátíðarbragur var yfir athöfninni þegar nemendur í 10. bekk voru útskrifaðir. Útskriftin markaði mikilvæg tímamót í lífi nemenda, sem nú kveðja grunnskólann og halda áfram á nýjar brautir. Nemendur voru kvaddir með hlýjum orðum og hvatningu til að halda áfram að nýta styrkleika sína, sýna seiglu og takast á við framtíðina af bjartsýni.

Að útskrift lokinni var nemendum í 10. bekk og foreldrum þeirra boðið upp á veitingar. Þar gafst gott tækifæri til að fagna saman, rifja upp góðar minningar og eiga ánægjulega stund í lok skólagöngunnar.

Háaleitisskóli óskar útskriftarnemendum innilega til hamingju með áfangann og þakkar nemendum, foreldrum og starfsfólki fyrir gott samstarf á skólaárinu.