Bergrún Íris rithöfundur í heimsókn

Bergrún Íris Sævarsdóttir rithöfundur kom í heimsókn til okkar 11. desember og las úr nýútkomni bók sinni Nammi dagur.  Það voru nemendur á unglingastigi sem mættu á sal skólans og hlustuðu með athygli á lesturinn.  Bergrún ræddi líka við nemendur um það hvernig það er að vera rithöfundur og teiknari, en hún hefur einnig myndskreytt fjölda bóka. 

Nemendum var svo boðið upp á vöfflur sem runnu ljúft niður.